Home Leza Award Award Articles ፱ኛው የለዛ ሽልማት

፱ኛው የለዛ ሽልማት

6699

ክረምት ዓልፎ በጋ መስከረም ሲጠባ 

አሮጌ ዓመት ዓልፎ አዲሱ ሲገባ 

በአበቦች መዓዛ ይረካል ልባችን 

ህዝቦች ሁሉ በጣም እንኳን ደስ ያላችሁ፤

ብሎ አዚሟል በኢትዮዺያ ሙዚቃ ታሪክ በኪነጥበብ አፍቃሪ ልብ ውስጥ እማይነቀነቅ ሰፊ ስፍራ ያለው ነብስ ሔር ክቡር ዶክተር ጥላሁን ገሠሠ፤

አመታዊው የለዛ ምርጫ ሽልማት ስነስርዓት እንደ መስከረም ወር አደይ፣ እንደ ዘመን ጥቢ ጸደይ፣ ሃሴት ፈታይ ብራ ሰማይ በተለዪ በሀገራችን ኪነጥበብ ባለሙያዎችና የኪነጥበብ ወዳጆች ዘንድ ተናፍቆ መመድረክ ከጀመረ እነሆ ተሰዓት ላይ ደረሰ፤ ዘጠኝ ማለት ነው በአማርኛችን፤  ከስምንተኛው ዝግጅት መገባደድ በኋላ በበነጋው ነበር የለዛ ቤተሰብ ስለዘጠነኛው ድግስ ሰልፍ ማሳመር የዠመረው፤ 

ጊዜ እንደ ጅረት ይዞን ይነጉዳል 

ሳናውቀው ነገር ታሪክ ይሆናል .   .   . ፣ 

አልነበር ያለው የ8ተኛው የለዛ  ምርጫ ሽልማት ስነስርዓት ኮከብ የሙዚቃ ሰው ሮፍናን፤ እነሆ ጊዜ እንደ ፈረሰኛ ነጉዶ ሳናውቀው ስምንትን ታሪክ አድርጎ  በፈጣሪ ቸርነት ዘንድሮ ላይ ደርሰናል፤ 

ሰላምና ጤናን በያላችሁበት እንመኛለን፣  የለዛ ቤተሰቦች ነን፤

የተለመዱት ዘጠኝ የሽልማት ዘርፎች ማለትም 

  • የአመቱ ምርጥ ተከታታይ የቴሌቪዥን ፊልም
  • የአመቱ ምርጥ አዲስ ድምጻዊ/ት
  • የአመቱ ምርጥ ነጠላ ዜማ 
  • የአመቷ ምርጥ ተዋናይት 
  • የአመቱ ምርጥ ተዋናይ
  • የአመቱ ምርጥ የሙዚቃ ቪዲዮ 
  • የአመቱ ምርጥ ፊልም 
  • የአመቱ ምርጥ የሙዚቃ አልበምና 
  • የህይወት ዘመን ተሸላሚ ዘርፎች  የክብር ቦታቸውን ሳይለቁ ሌሎች ሶስት አዳዲስ የውድ ድር ዘርፎችን ይህም ማለት 
  •  የአመቷ ምርጥ ተከታታይ የቴሌቪዥን ፊልም ተዋናይት 
  • የአመቱ ምርጥ ተከታታይ የቴሌቪዥን ፊልም ተዋናይ እና 
  • የአመቱ ምርጥ ዘፈን/ ሙዚቃን  .   .   .  አካተው ዘንድሮም ለዘጠነኛው  የለዛ  ምርጫ ሽልማት ስነስርዓት እጩ የጥበብ ሰዎችና ስራዎችን በናንተው በአድማጮች ድምጽ ዳኝነት ለማወዳደር ተዘጋጅተዋል፤ በዘንድሮው  የሙዚቃ ዘርፍ ተወዳዳሪዎች ድምጽ አሰጣጥ ላይ የተመረጡ የሙዚቃ ባለሙያዎች ዳኝነት እንዲዎስድ ለማድረግ አስበናል፤

ሐምሌ 1 2010 ዓ.ም እስከ ግንቦት 30 2011 ዓ.ም ድረስ የወጡ የጥበብ ስራዎችና ሰዎች ተወዳዳሪ ይሆናሉ፤ 

በሉ ይኸው ዘጠነኛውን የለዛ  ምርጫ ሽልማት ስነስርዓት ማስጀመሪያ መለከት ነፍተናል ነጋሪት ጎስመናል አብራችሁን ዝለቁ ይላችኋል የለዛ ቤተሰብ።

ሁላችንም ሚና አለን!!

ብርሃኑ ድጋፌ 

13 COMMENTS

  1. ለዛዎች እንኳን ያደረሳችሁ! “መስከረም ወር አደይ፣ እንደ ዘመነ ጥቢ ጸደይ፣ ሃሴት ፈታይ ብራ ሰማይ” ብላችሁ በከተባችሁት ውስጥ ያለ ቦታዋ የገባችው ቃል “ጸደይ” ናት። ጸደይ የመጋቢት እንጂ የመስከረም ወቅት አይደለችም በልግ እንጂ ጥቢ አይደለችም። የመስከረሟ ወቅት መፀው ናት። የዚቺ ልዕልት ወቅት መጠርያ ትርጉም “አበባ” ነውና አስተካክሉ።
    ባሕረ ሐሳባችን ወቅቶቻችንን እንዲህ መድቧቸዋል።
    ክረምት: ሰኔ 26 – መስከረም 25፣
    መፀው: መስከረም 26 – ታኅሣሥ 25
    በጋ: ታኅሣሥ 26- መጋቢት 25
    ጸደይ: መጋቢት 26 – ሰኔ 25

  2. ከተከታታይ የቴሌቪዠን ድራማ ሃና ዮሐንስ አሸናፊ መሆን አለባት አድናቂዋ ነኝ

  3. Comment:
    I don’t have any idea who are the finalist in this year. But Abel Mulugeta deserves the award for album of the year. He does perfect and best work. Love him so much & I can’t stop listen to his “Enenegager” Album over & over.
    Good Luck for every one .
    Tnx Bre.D

  4. Selam
    Wedederun egna weche yalenewem endenesatef madregachehu yetawesal honom shelematun lemayet beyeametu teratu cheger endalew yawekachehu almeselegnem beget eytebeknew Mayer alchalnem.

LEAVE A REPLY

Please enter your comment!
Please enter your name here